Sunday, April 1, 2007

ശിക്ഷ

മാപ്പു ചോദിപ്പൂ
ബോധം നശിച്ചിവള്‍ പുലമ്പിയ
വിഷലിപ്‌ത വാക്കുകള്
‍നിന്‍ നെഞ്ചകം പിളര്‍ന്ന്
സ്നേഹമധു നിറയും ഹൃദയം
തകര്‍ത്തുവെന്നറിയുമ്പോള്‍

മാപ്പപേക്ഷിപ്പാന്‍
ത്രാണിയില്ലിപ്പാപിക്കെത്ര
കഠോരമാം ശിക്ഷയും വിധിക്കുക

ഉമിത്തീയിലെറിയുക
ആര്‍ദ്രത വറ്റിയ
അഹന്ത മുറ്റിയ
പ്രാണന്‍ നീറിനീറിപ്പിടയട്ടെ
കാളകൂടം നിറഞ്ഞൊരീ
ശരീരത്തിന്‍ തോലുരിച്ചെടുക്കുക
കള്ളിമുള്‍ക്കാട്ടില്‍ വലിച്ചെറിയുക

ഒരുവാക്കിലൊരു നോക്കില്‍
നീയെന്നെ പഴിക്കില്ലെന്നറിയാം
ഒരിക്കലുമുള്ളാലെ ശപിക്കില്ലെന്നറിയാം
വേണ്ട
അശനിപാതം പതിച്ചീ
നീചശ്ശിരസ്സ് പൊട്ടിത്തെറിക്കട്ടെ

Saturday, March 31, 2007

നിഴല്‍‌യുദ്ധം

നിഴലിനോടു പടവെട്ടുകയാണ് ഞാന്‍
എനിക്കറിയാം
ശത്രു ദുര്‍ബ്ബലനാണെന്ന്
എനിക്കറിയാം
വിജയമെന്റേതു തന്നെയാവുമെന്ന്
എനിക്കറിയാം
വിജയമൊരു ശൂന്യത സമ്മാനിക്കുമെന്ന്
എനിക്കറിയാം
വിജയിച്ച ഞാന്‍ വാള്‍‌മുനയാലെന്‍കണ്ണുകള്‍ ചൂഴ്ന്നെടുക്കുമെന്ന്
എനിക്കറിയാം
വിജയിച്ച ഞാനെന്‍ ഹൃദയം ചെത്തിയെടുക്കുമെന്ന്
എനിക്കറിയാം
വിജയിച്ച ഞാന്‍ അലറിക്കരഞ്ഞ് കാട്ടിലേക്കോടുമെന്ന്
എനിക്കറിയാം
അപ്പോഴുമെന്റെ നിഴലെന്നെ പിന്തുടരുമെന്ന്
അതിനാല്‍ ഞാന്‍ പടവെട്ടിക്കൊണ്ടേയിരിക്കുന്നു

Tuesday, March 27, 2007

നമസ്കാരം

നമസ്കാരം
ബ്ലോഗുഗ്ലോകത്ത് ഞാന്‍ ആദ്യമായാണ്.
ഇതിന്റെ സാങ്കേതിക സംവിധാനങ്ങളെക്കുറിച്ച് കൂടുതല്‍ അറിയില്ല.
അറിവുള്ളവര്‍ സഹായിക്കുമല്ലോ?
എല്ലാ ഭൂലോകര്‍ക്കും നമസ്കാരം