മാപ്പു ചോദിപ്പൂ
ബോധം നശിച്ചിവള് പുലമ്പിയ
വിഷലിപ്ത വാക്കുകള്
നിന് നെഞ്ചകം പിളര്ന്ന്
സ്നേഹമധു നിറയും ഹൃദയം
തകര്ത്തുവെന്നറിയുമ്പോള്
മാപ്പപേക്ഷിപ്പാന്
ത്രാണിയില്ലിപ്പാപിക്കെത്ര
കഠോരമാം ശിക്ഷയും വിധിക്കുക
ഉമിത്തീയിലെറിയുക
ആര്ദ്രത വറ്റിയ
അഹന്ത മുറ്റിയ
പ്രാണന് നീറിനീറിപ്പിടയട്ടെ
കാളകൂടം നിറഞ്ഞൊരീ
ശരീരത്തിന് തോലുരിച്ചെടുക്കുക
കള്ളിമുള്ക്കാട്ടില് വലിച്ചെറിയുക
ഒരുവാക്കിലൊരു നോക്കില്
നീയെന്നെ പഴിക്കില്ലെന്നറിയാം
ഒരിക്കലുമുള്ളാലെ ശപിക്കില്ലെന്നറിയാം
വേണ്ട
അശനിപാതം പതിച്ചീ
നീചശ്ശിരസ്സ് പൊട്ടിത്തെറിക്കട്ടെ
Sunday, April 1, 2007
Subscribe to:
Posts (Atom)